Emakumeak medikuntzan: diagnosia
ReportajesEspainiako Medikuen Elkargoen Antolakundeak (gaztelaniaz OMC) "Diagnóstico de género de la profesión médica" ikerketa kaleratu zuen pasa den urte amaieran.
Galdera batzuen erantzuna topatzeko helburua du ikerketa honek. Esaterako, zein den emakumeen presentzia Medikuntzan, datuetan, eta zein desberdintasun ematen diren sendagile gizon eta emakumeen artean. Medikuntza ez baitago gizartean ematen diren desoreketatik salbu.
Datu asko biltzen ditu ikerketak. Batetik, medikuntzan emakumeek izan duten bilakaera erakusten da grafiko eta taulak baliatuz: 1954 urtean 3 emakume bakarrik ziren elkargokide Espainiako Elkargoetan; 20 bat izan ziren 1982 urtera arte eta 2017an, lehen aldiz, sendagile emakumeak gizonezkoak baino gehiago izan ziren.
Bestalde, datuek lurraldez lurraldekako desberdintasunak islatzen dituzte: zenbait zonaldeetan emakumeen presentzia handia bada ere, beste zenbait lurraldetan oraindik ere gizonezkoen eremua izaten jarraitzen du (ikus mapa).
Ondorio asko atera badaitezke ere, hauek dira Antolakundeak aurkeztu zituen ideia nagusiak:
- Medikuntzan, emakume eta gizonen soldataren aldea %27 da.
- Osasunaren inguruko ezagutzaren eremuetako ikerketa eta hezkuntza sailetan %40 dira emakumeak, baina zenbait espezialitateetan ez dira era iristen.
- Medikuntzako langabezia-tasa %2,1 da, baina portzentaje horren %63,3 emakumeak dira.
- Eszedentzian dauden emakumeen gehiagoa (%70) 40 urtetik beherakoa da; adin bereko eszedentzian dauden gizonezkoen tasa %20 da.
- Espezialitateei begira, pediatria da emakume gehien duen espezialitatea (%66,2) eta Kirurgia Kardiobaskularra emakume gutxien erakartzen dituena (,6).
- 2011etik 2017ra elkargokidetu den gizon bakoitzetik 5 emakume elkargokidetu dira ( 4.999 gizon eta 25.212 emakume). Estatuko Elkargo guztietan emakumeen presentzia %41 baino gehiagokoa da.
- Presidentzia kargoetan %88,5 gizonak dira eta presidenteorde karguetan %76,3.
- Elkargoetako Gobernu Batzordeetan gizonezkoak baino %36 gutxiago dira emakumeak.
- CGCOM antolakundearen gobernu organoetan emakumeen presentzia da.
Antolakundearen hitzetan, egindako diagnosi hau abiapuntu baino ez da. Emakumeek medikuntzan duten errealitatea mahai gainean jarrita, neurriak hartu beharko dira ikerketak identifikatutako desorekak murrizteko.
Ikerketa irakurtzeko: "Diagnóstico de género de la profesión médica"
1954 urtean 3 emakume bakarrik ziren elkargokide; 2017an lehen aldiz gizonezkoak baino emakume gehiago zeuden medikuntzan.
